នារសៀលថ្ងៃទី៧ ខែកក្កដា ឆ្នាំ២០២២ ឯកឧត្តម លីម ប៊ុនហុក អគ្គលេខាធិការរងព្រឹទ្ធសភា បានទទួលជួបពិភាក្សាការងារជាមួយនឹងលោក ប្លែស គីលីយ៉ង់ (Blaise Kilian) សាហប្រធានសារមន្ទីរព្រះស្រីឦសានវរ្ម័ន និងលោក មីសែល កាសាញ (Michal Cassagnes) នាយកប្រតិបត្តិនៃក្រុមហ៊ុន អាខេរថាយភ៍ ខេមបូឌា ឡាវ និងវៀតណាម និងសហការី នៅសាលប្រជុំពិសេសបី វិមានព្រឹទ្ធសភា។ គោលបំណងនៃជំនួបពិភាក្សានេះ គឺដើម្បីឈ្វេងយល់អំពីស្ថាបត្យកម្មដ៏ល្អប្រណីតរបស់អគារនានានៅក្នុងបរិវេណព្រឹទ្ធសភា និងឈ្វេងយល់អំពីដំណើរការការងាររបស់ព្រឹទ្ធសភា។ ក្នុងឱកាសនោះ ប្រតិភូបានអញ្ជើញទស្សនាអគារប្រវត្តិសាស្រ្តនានាក្នុងបរិវេណព្រឹទ្ធសភា។
ប្រភព៖ នាយកដ្ឋានព័ត៌មាន
